ჩვენ ვიცავთ ბრალდებულის უფლებებს | ლეკიშვილი & პატიეშვილი

ადვოკატის მონაწილეობა საგამოძიებო მოქმედებებში

ადვოკატის ჩართულობა უზრუნველყოფს, რომ ნებისმიერი საგამოძიებო მოქმედება ჩატარდეს კანონის სრული დაცვით. ეს გამორიცხავს პროცესუალურ შეცდომებს, რომლებიც მომავალში შესაძლოა ბრალდებულის წინააღმდეგ იქნეს გამოყენებული. ჩვენი ბიურო განსაკუთრებულ ყურადღებას უთმობს სწრაფ და ეფექტურ რეაგირებას კლიენტის ინტერესების დასაცავად.

კონსულტაცია და დაცვის სტრატეგიის ფორმირება

სისხლის სამართლის დაცვის პროცესის საფუძველია დეტალური კონსულტაცია. ჩვენი ადვოკატები:

• დეტალურად ისმენენ კლიენტის მიერ მოწოდებულ ინფორმაციას;
• აანალიზებენ ფაქტობრივ გარემოებებს;
• აფასებენ საქმეს სამართლებრივი პერსპექტივიდან.

სწორედ ამ ეტაპზე ყალიბდება დაცვის ძირითადი სტრატეგია, რომელიც განსაზღვრავს შემდგომ სამართლებრივ ნაბიჯებს.

მტკიცებულებების ოპერატიული მოპოვება

სისხლის სამართლის საქმეებში მტკიცებულებათა (ვიდეოჩანაწერები, მოწმის ჩვენებები, ბიოლოგიური კვალი) მოპოვება ხშირად მკაცრად განსაზღვრულ ვადებზეა დამოკიდებული. Lekishvili & Patieshvili-ს გუნდი უზრუნველყოფს მნიშვნელოვანი მტკიცებულებების დროულ მოძიებას, ანალიზს და მათ ეფექტურად გამოყენებას დაცვის პროცესში.

ქმედების კვალიფიკაციის შეცვლა

ფაქტობრივი გარემოებებისა და მტკიცებულებების სწორი სამართლებრივი ანალიზის შედეგად, ხშირად შესაძლებელია ბრალად წარდგენილი მუხლის შეცვლა უფრო მსუბუქი კვალიფიკაციით, რაც მნიშვნელოვან გავლენას ახდენს სასჯელის მოცულობაზე. ჩვენი გუნდის პრაქტიკაში არაერთი საქმე დასრულებულა სწორედ ასეთი შედეგით.

წინასასამართლო სხდომა: დაცვის მნიშვნელოვანი სტადია

წინასასამართლო სხდომა წარმოადგენს პროცესის ერთ-ერთ გადამწყვეტ სტადიას. ამ ეტაპზე Lekishvili & Patieshvili-ს ადვოკატებს აქვთ შესაძლებლობა:

• მოითხოვონ ბრალდების მხარის მტკიცებულებების დაუშვებლად ცნობა;
• დააყენონ აღკვეთის ღონისძიების შეცვლის საკითხი;
• მოითხოვონ სისხლის სამართლის საქმის შეწყვეტა.

საქმის არსებითი განხილვა – დაცვის აქტიური ფაზა

თუ საქმე წინასასამართლო ეტაპზე არ შეწყდა, პროცესი გადადის არსებითი განხილვის სტადიაში. ეს არის ეტაპი, სადაც ჩვენი ადვოკატები უშუალოდ მოსამართლის წინაშე ახდენენ დაცვის სტრატეგიის რეალიზებას:

• მოწმეთა ჯვარედინი დაკითხვა: ბრალდების მხარის მოწმეების დაკითხვისას ჩვენი ადვოკატები ორიენტირებულნი არიან ბრალდების მხარის მიერ წარმოდგენილ მოწმეთა ჩვენებებში გამოავლინონ უზუსტობები და წინააღმდეგობები.
• საკუთარი მტკიცებულებების გამოკვლევა: გამოძიების ეტაპზე ჩვენს მიერ მოპოვებულ მტკიცებულებებს, სწორედ აღნიშნულ ეტაპზე ვიკვლევთ, რა დროსაც ვქმნით მყარ საფუძველს ძლიერი დასკვნითი სიტყვის წარმოთქმის მიზნით.
• დასკვნითი სიტყვა: საქმის გარემოებების ლოგიკური ანალიზი, რომელიც მიზნად ისახავს მოსამართლის დარწმუნებას კლიენტის უდანაშაულობაში ან პასუხისმგებლობის შემსუბუქებაში.