იურიდიულ კომპანია - Lekishvili & Patieshvili-ს სისხლის სამართლის ადვოკატებს გვესმის, თუ რა სირთულეებს და გაუგებრობებს აწყდებიან ადამიანები საგამოძიებო ორგანოებთან ურთიერთობისას, რის გამოც მნიშვნელოვანად მიგვაჩნია მოგაწოდოთ ინფორმაცია იმის თაობაზე, თუ რატომ უნდა ისარგებლოს მოწმემ ჩვენი საადვოკატო მომსახურებით.

ქართული კანონმდებლობის მიხედვით ვინ შეიძლება გახდეს მოწმე სისხლის სამართლის საქმეში?

ნებისმიერი ადამიანი შეიძლება გახდეს მოწმე – იმ შემთხვევაში, თუ აღმოჩნდა რომელიმე დანაშაულის შემსწრე, მონაწილე ან/და მისਦਾ უნებურად ფლობს სისხლის სამართლის საქმისთვის მნიშვნელოვან ინფორმაციას. ასეთი პირები შესაძლოა გამომძიებლის მიერ დაბარებულ იქნენ პოლიციაში ან სხვა ორგანოში გამოკითხვასა თუ სხვა საგამოძიებო/საპროცესო მოქმედებებში მონაწილეობის მისაღებად.

რა შედეგები შეიძლება მოჰყვეს მოწმის მიერ გამოკითხვისას დაფიქსირებულ პოზიციას?

თქვენ – მოწმემ, მნიშვნელოვანია იცოდეთ, რა უფლებებით შეგიძლიათ ისარგებლოთ და გესმოდეთ გამოძიებაში თქვენი მონაწილეობის პოტენციურად ცუდი ან/და კარგი შედეგების არსი. რიგითი მოქალაქისთვის საგამოძიებო ორგანოში დაბარება არასასიამოვნო ფაქტია, რა დროსაც შესაძლოა მხედველობიდან გამოგრჩეთ სიტუაციის სიმძიმეს. მნიშვნელოვანია აღინიშნოს, რომ იმ შემთხვევაშიც კი თუ თავდაპირველად მოწმის სახით დაგიბარებენ, თქვენს მიერ გამომძიებლისათვის მიწოდებულმა ინფორმაციამ შესაძლოა გავლენა მოახდინოს გამოძიების მიმართულებაზე. მოწმის მიერ მიწოდებული ინფორმაციის საფუძველზე საგამოძიებო ორგანომ შესაძლოა მიიღოს თქვენი ან/და საქმეში არსებული სხვა პირების დაკავების ან ბრალდებულად ცნობის შესახებ გადაწყვეტილება. გამოკითხვის დროს თქვენს მიერ დაფიქსირებული ჩვენება წარმოადგენს ერთ-ერთ მტკიცებულებას, რომლის საფუძველზეც შესაძლოა უდანაშაულო პირი მიეცეს სისხლისსამართლებრივ პასუხისგებაში ან, პირიქით, დამნაშავე დარჩეს დაუსჯელი.

რატომ უნდა ისარგებლოს მოწმემ ჩვენი ადვოკატის მომსახურებით?

მოწმეს მნიშვნელოვანი როლი ეკისრება სისხლის სამართლის პროცესში. მისი ჩვენება წარმოადგენს ბრალდების მხარის მიერ შემაჯამებელი გადაწყვეტილების მიღების საფუძველს. სწორედ ამიტომ, იმისათვის რომ თავიდან იქნას აცილებული არასასურველი შედეგები, სასიცოცხლოდ მნიშვნელოვანია, მოწმეს გვერდით ჰყავდეს გამოცდილი ადვოკატი.

საქართველოში ადვოკატის მომსახურებით სარგებლობის შემთხვევაში:

• მოწმეს შეუძლია ისარგებლოს ადვოკატთან კონსულტაციის უფლებით – სურვილის შემთხვევაში, კითხვაზე პასუხის გაცემამდე, მოწმეს შეუძლია ადვოკატთან გაიაროს კონსულტაცია, რა დროსაც მოწმეს ექმნება შესაძლებლობა მიიღოს, პასუხის კანონთან შესაბამისობის ან/და არასასურველი რისკების შესახებ ინფორმაცია.

• მოწმეს ექმნება კითხვების სწორად გაანალიზების შესაძლებლობა – დაკითხვისას გამომძიებლის მიერ დასმული კითხვები შეიძლება იყოს მიკერძოებული ან/და შეცდომაში შემყვანი. ადვოკატის თანდასწრებით მოწმე დაცულია, ისეთი განმარტებების გაკეთებისაგან, რომელსაც სამომავლოდ საგამოძიებო ორგანოს მხრიდან შესაძლოა მიეცეს არასწორი ინტერპრეტაცია.

• მოწმეს აქვს შესაძლებლობა სწორად შეაფასოს სამართლებრივი შედეგები – ადვოკატი, შესაძლებლობის ფარგლებში, მოწმეს განუმარტავს, თუ რა შეიძლება მოჰყვეს მოწმის მიერ მიცემულ ჩვენებას და ეხმარება მას გააზრებული პოზიციის დაფიქსირბაში.

• მოწმეს აქვს საკუთარი ინტერესების დაცვის შესაძლებლობა – ადვოკატი იცავს მოწმეს პროცესის ყველა ეტაპზე, შესაძლებლობის ფარგლებში ამცირებს რისკებს და უზრუნველყოფს, რომ მისი ჩვენება არ გახდეს უსამართლო ბრალდების საფუძველი.

• გარდა იურიდიული დაცვისა, ადვოკატის გვერდით ყოფნა მოწმეს აძლევს ფსიქოლოგიურ სიმშვიდეს და თავდაჯერებულობას – ადვოკატის მონაწილეობისას, მოწმე თავს შედარებით უსაფრთხოდ გრძნობს, ნაკლები სტრესისა და დაძაბულობის გარეშე ახერხებს კითხვებზე პასუხის სიცემა, ხოლო გამოკითხვის პროცესი მისთვის ბევრად უფრო მარტივი ხდება. ეს ემოციური მხარდაჭერა არანაკლებ მნიშვნელოვანია, რადგან გამოკითხვისას მოწმეს სჭრიდება გონების სიმშვიდე და სითამამე.

აღსანიშნავია, რომ ადვოკატის ჩართულობამ ზოგ შემთხვევაში შეიძლება მთლიანად შეცვალოს საქმის დინამიკა და გამოიწვიოს გამოძიების შეწყვეტაც კი. ეს კიდევ ერთხელ უსვამს ხაზს ადვოკატის როლის განსაკუთრებულ მნიშვნელობას.

ჩვენი მთავარი მიზანია დავიცვათ თქვენი ინტერესები და ვუზრუნველვყოთ, რომ გამოკითხვის პროცესი წარიმართოს თქვენი უფლებებისა და კანონის სრული დაცვით.