კონსულტაცია, როგორც დაცვის საფუძველი

ჩვენი ადვოკატები მუშაობას იწყებენ კონსულტაციით, რა დროსაც ადვოკატების მთავარი ვალდებულებაა დიდი გულისყურით მოუსმინონ კლიენტის მიერ მოთხრობილ თითოეულ სიტყვას, რაც განსაკუთრებულად მნიშვნელოვანია სწორი სტრატეგიის შესამუშავებლად.

მტკიცებულებების დროული მოპოვება

მტკიცებულებების (მ.გ. ვიდეოჩანაწერების, ზოგიერთი მოწმის ჩვენების, ბიოლოგიური კვლების და ა.შ) მოპოვება მკაცრად განსაზღვრულ ვადებზეა დამოკიდებული, მსგავსი მტკიცებულებების დროული მოპოვება ბრალდებულის უფლებების დაცვის ერთ-ერთი მთავარი საფუძველია.

კვალიფიკაციის შეცვლა

ქმედების სამართლებრივი შეფასების შეცვლა (ბრალად წარდგენილი მუხლის შემსუბუქება) ჩვენი გუნდისთვის წარმატებით დასრულებული საქმეა.

წინასასამართლო სხდომა - მნიშვნელოვანი პროცესუალური ეტაპი

წინასასამართლო სხდომაზე ადვოკატს აქვს შესაძლებლობა მოითხოვოს ბრალდების მხარის მიერ სასამართლოში წარდგენილი მტკიცებულებების დაუშვებლად ცნობა, აღკვეთის ღონისძიების შეცვლა ან/და სისხლის სამართლის საქმის შეწყვეტა.

ჩვენ ვიცავთ ადამიანებს

ჩვენთვის ბრალდებული პირველ რიგში ადამიანია

რატომ არის აუცილებელი ადვოკატის ჩართვა გამოძიების დაწყების/ბრალდებულად ცნობის ან/და დაკავებისთანავე?

ადვოკატის დროული ჩართვა უზრუნველყოფს, რომ ნებისმიერი საგამოძიებო მოქმედება ჩატარდეს კანონის სრული დაცვით და თავიდან იქნას აცილებული საბედისწერო პროცესუალური შეცდომები.

შესაძლებელია თუ არა ბრალდების მუხლის შემსუბუქება (კვალიფიკაციის შეცვლა)?

ცალკეულ შემთხვევაში ფაქტობრივი გარემოებების სწორი სამართლებრივი ანალიზით, შესაძლებელია სისხლის სამართლის საქმეზე ბრალდებულის ქმედებისათვის მინიჭებული კვალიფიკაცია შეიცვალოს უფრო მსუბუქი მუხლით, რაც სასჯელის შემცირებას გულისხმობს.

როგორ ხდება კომუნიკაცია პატიმართან და მის ოჯახთან?

ადვოკატს და მისი ოჯახის წევრებს აქვთ ბრალდებულს სასჯელაღსრულების დაწესებულებაში მონახულების შესაძლებლობა, რა დროსაც შესაძლებელია ოჯახს მიეწოდოს პატიმრობაში მყოფი პირის ფსიქოლოგიურ/ფსიქიკურ/ფიზიკურ მდგომარეობასთან დაკავშირებული ინფორმაცია.

რას ნიშნავს მტკიცებულებების დაუშვებლად ცნობა?

თუ სასამართლო დააკმაყოფილებს ადვოკატის მოთხოვნას და ბრალდებულის საწინააღმდეგო მტკიცებულებას დაუშვებლად ცნობს, მაშინ ბრალდების მხარე ვეღარ შეძლებს ამ მტკიცებულების ბრალდებულის საწინააღმდეგოდ გამოყენებას, ამასთან ასეთ მტკიცებულებას ან/და ამგვარი მტკიცებულების საფუძველზე მოპოვებულ სხვა მტკიცებულებებს ვერ იქნება გამოყენებული გამამტყუნებელი განაჩენის გამოტანისას.