იურიდიულ კომპანია – Lekishvili & Patieshvili-ს სისხლის სამართლის ადვოკატებს გვესმის, რომ დანაშაულის შედეგად დაზარალებულ ადამიანებსა და კომპანიებს სჭირდებათ მკაფიო და სწრაფი გზამკვლევი, რათა ეფექტურად დაიცვან თავი, მით უფრო იმ დროს, როდესაც ჯერ არ მიუმართავთ ჩვენი ადვოკატებისათვის. ამ გვერდზე გაეცნობით, თუ როგორ იბრძვის ჩვენი გუნდი დაზარალებული ფიზიკური, თუ იურიდიული პირების უფლებების სრულყოფილი დაცვისათვის. ჩვენი მომსახურება ხელმისაწვდომია საქართველოს ყველა რეგიონსა და ქალაქში — თბილისში, ზუგდიდში, ქუთაისში, ბათუმში, თელავში და სხვა ადმინისტრაციულ ერთეულებში.

რატომ არის აუცილებელი ადვოკატის დახმარება, თუ თავს დაზარალებულად მიიჩნევთ?

აღსანიშნავია, რომ გამოძიება ზოგად ჩარჩოს მიყვება, ხოლო თქვენი პირადი ინტერესის დაცვა — ზარალის სრული ანაზღაურება და დამნაშავე პირის დასჯა — უფრო ეფექტურად ხორციელდება მაშინ, როდესაც თქვენს მხარეს დგას გამოცდილი ადვოკატი. აღსანიშნავია, რომ საქართველოს კანონმდებლობა დაზარალებულსაც აძლევს უფლებას, რომ ისარგებლოს ადვოკატის მომსახურებით.

დაზარალებული ფიზიკური პირის დაცვა - საქართველოში

თუ დანაშაულის შედეგად თქვენ, თქვენს ოჯახის წევრს ან/და მეგობარს/ნაცნობს მიადგათ ფიზიკური, მორალური ან/და ქონებრივი ზიანი, ჩვენ არა მხოლოდ სამართლებრივ ნაწილში დაგეხმარებით, არამედ ადამიანურ მხარდაჭერასაც აღმოგიჩენთ. ჩვენი მთავარი მიზანია - არ დაიკარგოს თქვენი სიმართლე და მომხდარი დეტალურად აისახოს სისხლის სამართლის საქმის მასალებში.

დაზარალებულის ინტერესების ეფექტურად დაცვის მიზნით მნიშვნელოვანია:

• ზიანის ანაზღაურება და მოლაპარაკებების წარმოება – ჩვენი ადვოკატები, არა მხოლოდ სისხლისსამართლებრივ პროცესში, არამედ ზიანის ანაზღაურების საკითხშიც გეხმარებიან. ჩვენ ვაწარმოებთ მოლაპარაკებებს ბრალდებულთან ან/და მის წარმომადგენლებთან, რათა მოხდეს დაზარალებულისთვის მიყენებული ზიანის ანაზღაურება. ამ პროცესს სჭირდება განსაკუთრებული უნარ-ჩვევები და გამოცდილება, რადგან მოლაპარაკებების წარმოება მოითხოვს სპეციალურ მიდგომას. აღსანიშნავია, რომ ამ შემთხვევაში თქვენ ან თქვენი ოჯახის წევრები გათავისუფლდებით ამ არასასიამოვნო პროცესში უშუალო მონაწილეობისგან, რაც შედარებით მშვიდად და დაცულად გაგრძნობინებთ თავს.

• განცხადების სწორი ფორმულირება – ჩვენ ვუზრუნველყოფთ სამართლებრივი დოკუმენტების ტექსტების სწორ შედგენას/ფორმულირებას, რა დროსაც მხედველობიდან არ ვუშვებთ იმ ფაქტობრივ გარემოებებს, რომლებსაც არსებითი მნიშვნელობა გააჩნია თქვენს წინააღმდეგ ჩადენილი დანაშაულებრივი ქმედების კვალიფიკაციისათვის ან/და თქვენთვის მიყენებული ზიანის ანაზღაურებისათვის. მსგავსი მოქმედება თქვენ, დაზარალებულს გიმყარებთ სამართლებრივ პოზიციებს.

• მტკიცებულებების შეგროვება – ექსპერტიზის დასკვნების მოპოვებით, ფოტო/ვიდეო მასალების, მოწმეთა გასაუბრების ოქმების, სატელეფონო მიმოწერების ან/და სხვა სახის მტკიცებულებების შეგროვებით/ანალიზით და საგამოძიებო ორგანოსთვის წაგდენით, ვზრდით თქვენი საქმის წარმატებით დასრულების სამართლებრივ შესაძლებლობას, ვინაიდან ამ დროს ვსაზღვრავთ, თუ რომელი მტკიცებულების გამოყენება იქნება ეფექტური და რომლის არა.

• დაზარალებულად ცნობა და გასაჩივრება – დაზარალებულად ცნობის თაობაზე უარის თქმის შემთხვევაში, აღნიშნულ გადაწყვეტილებას ვასაჩივრებთ ზემდგომ პროკურორთან, ხოლო შემდგომ სასამართლოში. აღნიშნული მოქმედებით მოქალაქეებს პროკურატურის მიერ მიღებული გადაწყვეტილების სამართლებრივი კონტროლის შესაძლებლობა ეძლევათ.

• საქმის მასალების შესწავლა და პროცესის მონიტორინგი – იმ შემთხვევაში თუკი თქვენ უკვე ცნობილი ხართ დაზარალებულად, ჩვენი მეშვეობით თქვენ შეგიძლიათ დეტალურად შეისწავლოთ საქმის მასალები და მიიღოთ ობიექტური ინფორმაცია საგამოძიებო ორგანოს მიერ ჩატარებული მოქმედებების სისწორის შესახებ, რა დროსაც ვამოწმებთ, ხომ არ არის გამორჩენილი მნიშვნელოვანი მტკიცებულებები, რომლებიც კრიტიკულად საჭიროა თქვენი სამართლებრივი ინტერესების დასაკმაყოფილებლად. პრაქტიკამ ცხადყო, რომ რიგ შემთხვევაში დაზარალებულს აქვს მტკიცებულებები, რაც დამნაშავის ბრალებულობას ამტკიცებს, თუმცა გაურკვეველი მიზეზით ისინი საქმეს არ ერთვის. სამწუხაროდ, მსგავსმა შემთხვევამ დამნაშავეს შეიძლება დაუმსახურებელი უპირატესობა მიანიჭოს — მაგალითად, პატიმრობის ნაცვლად სასამართლომ გირაოს თანხის გადახდის სანაცვლოდ გაათავისუფლოს, რის შედეგადაც ბრალდებული დაკავებიდან რამდენიმე საათში ტოვებს საპატიმრო დაწესებულებას და კვლავ თავისუფალი ხდება. საბოლოო ჯამში კი შესაძლოა იგი უდანაშაულოდაც კი იქნეს ცნობილი.

• ბრალის დამძიმების საფუძვლების მოთხოვნა – იმ შემთხვევაში თუკი თქვენთვის მოყენებული ზიანი უფრო მეტია, ვიდრე ეს საქმის მასალებით დგინდება, ჩვენ ვზრუნავთ, რომ თქვენთვის მოყენებული ზიანი რეალურად წარმოჩინდეს სისხლის სამართლის საქმეში.

• არასრულწლოვანი დაზარალებულის დაცვა – განსაკუთრებული სიფრთხილით ვმუშაობთ არასრულწლოვან დაზარალებულებთან, ვაკონტროლებთ დაკითხვის პროცესის კანონიერებას და ფსიქოლოგიურ უსაფრთხოებას, ვახდენთ ადვოკატის თანდასწრებით მათ ინტერესების დაცვას, რათა თავიდან ავიცილოთ მეორეული ვიქტიმიზაცია (ტრამვა) და დავიცვათ ბავშვის საუკეთესო ინტერესები.

დაზარალებულისთვის მნიშვნელოვანია არა მხოლოდ ზიანის ანაზღაურება, არამედ იმ მძიმე ფსიქოლოგიური და სოციალური შედეგების დაძლევაც, რასაც დანაშალი ტოვებს. სწორედ ამიტომ ვზრუნავთ თქვენი ინტერესების სრულ დაცვაზე, არა მხოლოდ იურიდიული, არამედ ადამიანური თვალსაზრისითაც.

დაზარალებული იურიდიული პირის (კომპანიის) დაცვა - საქართველოში

დანაშაულის შედეგად კომპანიას შეიძლება მიადგეს, როგორც რეპუტაციული, ისე ფინანსური ზიანი — თანამშრომლის/პარტნიორის უკანონო ქმედება, გარეშე პირის თავდასხმა, დოკუმენტების სიყალბე და სხვა. ამ შემთხვევებში საჭიროა მიზანმიმართული, სწრაფი რეაგირება.

• შიდა გამოძიების სტრატეგია – ჩვენი გამომძიებელი ადვოკატები ამუშავებენ თანამშრომელთა ქცევას, კომპანიის ფინანსურ ნაკადებს, საგადასახადო/საანგარიშსწორებო დოკუმენტებს (სიყალბისა და სხვა გარემობების გამოვლენის მიზნი), რათა დადგინდეს ზუსტად რომელი ქმედება გახდა დანაშაულის საფუძველი.

• რეპუტაციისა და რისკების მართვა – ჩვენი გუნდი ყურადღებას ამახვილებს იმაზე, რომ კომპანიის სახელი არ დაზიანდეს და გამოძიების პროცესში არ გაჩნდეს დამატებითი საფრთხეები. ვმუშაობთ როგორც საგამოძიებო, ისე საინფორმაციო ხაზზეც, რათა თავიდან ავიცილოთ რეპუტაციული ზიანი.

• თანამშრომლებისთვის სასწავლო პროგრამები – პრაქტიკამ ცხადყო, რომ თანამშრომლების დაუდევრობა ხშირად იწვევს სამართლებრივ პრობლემებს. ჩვენი ადვოკატები ქმნიან სპეციალურ სასწავლო მოდულებს, სადაც განიმარტება პასუხისმგებლობა, ვალდებულებები და ის შედეგები, რომლებიც შესაძლოა გამოწვეულ იყოს, კომპანიაში არსებული ცალკეული წესებისა და კანონის დარღვევით. ეს იცავს კომპანიას განმეორებითი ან/და სამომავლო რისკებისგან.

გჭირდებათ თუ არა ადვოკატი, თუ უკვე მიმართეთ სამართალდამცავ ორგანოს ან/და გყავთ კომპანიაში დასაქმებული იურისტი?

კომპანიები ცდილობენ, რომ დაზარალებულად ცნობასთან დაკავშირებულ საკითხებზე, საგამოძიებო ორგანოებთან, ამავე კომპანიაში მუდმივად დასაქმებული იურისტის მეშვეობით იქონიონ კომუნიკაცია საგამოძიებო ორგანოებთან, წარადგინონ განცხადებები, მოიპოვონ მტკიცებულებები და ა.შ. პრაქტიკამ აჩვენა, რომ ეს ხშირად წარუმატებლად სრულდება, რადგან კორპორატიული იურიდიული საქმიანობა მნიშვნელოვანად განსხვავდება საადვოკატო საქმიანობისაგან/პრაქტიკისგან. ჩვენი გუნდი სწორედ იმ გამოცდილებას ფლობს, რომელიც საჭიროა რთულ სისხლის სამართლის საქმეებში ეფექტური წარმომადგენლობისთვის. იმ შემთხვევაშიც კი, თუ თქვენ — დაზარალებულმა — დამოუკიდებლად, ან კომპანიაში დასაქმებული იურისტის მეშვეობით უკვე მიმართეთ პოლიციას და ფიქრობთ, რომ სისხლის სამართლის ადვოკატის მომსახურებით სარგებლობა ზედმეტი ხარჯია, აუცილებელია, რომ აღნიშნული გადაწყვეტილება მიიღოთ მხოლოდ მას შემდეგ, რაც ჩვენი კომპანიის - Lekishvili & Patieshvili - სისხლის სამართლის ადვოკატებთან გაივლით სამართლებრივ კონსულტაციას.

რა პრაქტიკული გამოცდილება აქვს კომპანია ლეკიშვილი & პატიეშვილ-ს დაზარალებულის წარმომადგენლობის განხორციელების კუთხით?

ლეკიშვილი & პატიეშვილის სისხლის სამართლის ადვოკატებს აქვთ მრავალწლიანი პრაქტიკა სხვადასხვა კატეგორიის სისხლის სამართლის საქმეებზე. ჩვენი გუნდი 10 წელზე მეტია სპეციალიზირდება სისხლის სამართალში, რა დროსაც 100-ობით დაზარალებულთან გვქონია კომუნიკაცია, წარგვიმართავს მოაპირაევბის პროცესი და თითქმის ყველა წარმატებით დაგვისრულებია. ჩვენი საადვოკატო/საპროკურორო გამოცდილება, ასევე საპროცსო/საგამოძიებო უნარჩვევები (გამოძიებულია 100-ობით საქმე) კეთილსინდისიერი დაზარალებულის ინტერესების დაცვას ემსახურება. აღსანიშნავია, რომ ჩვენთვის დაბრკოლებას არ წარმოადგენს ენობრივი ბარიერი, ხოლო კლიენტებს ვთავაზობთ მრავალენოვან მომსახურებას, საჭიროების შემთხვევაში ვმუშაობთ საერთაშორისო მასშტაბითაც, მათ შორის უცხო ქვეყნის მოქალაქეთა სამართლებრივი ინტერესების დაცვის მიზნით. აუცილებელია, რომ დაზარალებული სარგებლობდეს ძლიერი იურიდიული წარმომადგენლობით — это არის გარანტია, რომ თქვენ მარტივად, სწრაფად და ეფექტურად გაუმკლავდებით როგორც მიმდინარე, ასევე პოტენციურ სამართლებრივ სირთულეებს.

რომელი კატეგორიის დანაშაულებზე იცავს დაზარალებულებს კომპანია Lekishvili & Patieshvili?“

Lekishvili & Patieshvili-ში დაზარალებულის ინტერესებს ვიცავთ ყველა კატეგორიის დანაშაულთან დაკავშირებით (რომელთა ამომწურავი ჩამონათვლის გაკეთება შეუძლებელია), მათ შორის:

• სიცოცხლისა და ჯანმრთელობის წინააღმდეგ მიმართული დანაშაულები:

  • მკვლელობა (მათ შორის: განზრახი და გაუფრთხილებელი ქმედებები, ასევე აუცილებელი მოგერიება და მისი ფარგლების გადაცილება)

  • მკვლელობის მცდელობა

  • თვითმკვლელობამდე მიყვანა

  • ძალადობა

  • ოჯახში ძალადობა

  • ჯანმრთელობის განზრახ და გაუფრთხილებლობით დაზიანება (მსუბუქი, ნაკლებად მძიმე, მძიმე)

• სქესობრივი თავისუფლებისა და ხელშეუხებლობის წინააღმდეგ მიმართული დანაშაულები:

  • გაუპატიურება

  • სექსუალური ხასიათის სხვაგვარი ქმედება

  • სხეულში სექსუალური ხასიათის შეღწევის იძულება

  • სექსუალური ხასიათის ქმედება თექვსმეტი წლის ასაკს მიუღწევლის მიმართ

  • გარყვნილი ქმედება

• ადამიანის უფლებებისა და თავისუფლებების წინააღმდეგ მიმართული დანაშაულები:

  • თავისუფლების უკანონო აღკვეთა

  • წამება

  • დამამცირებელი და არაადამიანური მოპყრობა

  • იძულება

  • მუქარა

  • ადევნება

  • პირადი ცხოვრების საიდუმლოს ხელყოფა

  • კომუნიკაციის საიდუმლოების დარღვევა

  • ბინის ხელშეუხებლობის დარღვევა

• ქონებრივი და ეკონომიკური დანაშაულები:

  • ქურდობა

  • ძარცვა

  • ყაჩაღობა

  • თაღლითობა

  • გამოძალვა

  • მითვისება და გაფლანგვა

  • ქონებრივი დაზიანება მოტყუებით

  • ნივთის დაზიანება ან განადგურება