დაცვის სტრატეგიის შემუშავება სისხლის სამართლის საქმეებზე საქართველოში | ლეკიშვილი & პატიეშვილი

დაცვის სტრატეგია არის, ჩვენი სისხლის სამართლის ადვოკატების რისკების შეფასების საფუძველზე განსაზღვრული სამართლებრივი გეგმა, რომელიც მოიცავს:

• სისხლის სამართლის ადვოკატის მიერ სხვადასხვა მტკიცებულების მოპოვების, კონკრეტული ფორმისა და რიგითობის განსაზღვრას - როგორ, როდის, რომელი და რა ფორმით უნდა იქნეს მოპოვებული/სასამართლო პროცესზე წარდგენილი ან და გამოყენებული ესა თუ ის მტკიცებულება.
• კლიენტის მიერ მისაცემი/მიცემული ჩვენების ანალიზს, შეფასებას და კლიენტის საჭიროებებზე მორგებულ კონსულტაციას.
• ფაქტობრივად და სამართლებრივად მნიშვნელოვანი გარემოებების ერთ სამართლებრივ ჭრილში განხილვას.
• საგამოძიებო და საპროცესო მოქმედებებისათვის აუცილებელი ტექნიკური უნარ-ჩვევების გამომუშავებას, რაც რთულ პროცესებში სიმშვიდის შენარჩუნების საფუძველია.
• ფსიქოლოგიურ და მორალურ მხარდაჭერას.

დიახ, „ლეკიშვილი & პატიეშვილის" საადვოკატო ბიუროში დაცვის სტრატეგია წარმოადგენს შეთანხმებულ სისტემას. ჩვენი მიდგომა ეფუძნება:

• სცენარების განჭვრეტას: მოსალოდნელი მოვლენების წინასწარ პროგნოზირებას;
• ვერსიების შეფასებას: საქმის განვითარების ყველა შესაძლო ვარიანტის ანალიზს;
• კომპლექსურ განხილვას: ერთიანი სამართლებრივი პოზიციის ჩამოყალიბებას.

საჭიროების შემთხვევაში, სტრატეგია მოიცავს არა მხოლოდ დაცვის პოზიციას, არამედ თავდასხმის სამართლებრივი გზების გააქტიურებასაც, რათა კლიენტი ყოველმხრივ დაცული იყოს.

სასურველია, რომ ჩვენი გუნდი გამოძიების საწყის ეტაპზევე ჩაერთოს დაცვის სტრატეგიის ჩამოყალიბებაში, თუმცა აღნიშნული არ გამორიცხავს სტრატეგიის სისხლის სამართლის საქმის მსვლელობის სხვადასხვა ეტაპზე შექმნის/ჩამოყალიბების შესაძლებლობას.

დიახ სტრატეგიის შემუშავების პროცესში ჩვენ კლიენტს ვეუბნებით თუ რა სირთულეების, გამოწვევების წინაშე შეიძლება აღმოვჩნდეთ სისხლის სამართლის საქმის მსვლელობისას და ვუხსნით, თუ როგორ უნდა გაუმკლავდეს აღნიშნულ დაბრკოლებებს. მსგავსი მიდგომა უზრუნველყოფს კლიენტის ფიზიკურ, ფსიქოლოგიურ და მორალურ მხარდაჭერას, რაც ამცირებს მოვლენების ცუდად განვითარების რისკებს, ვინაიდან ჩვენ ვცდილობთ ავუხსნათ ადამიანებს თუ როგორ უნდა შეინარჩუნონ სიმშვიდე დაძაბულ გარემოში.

ჩვენ არ ვმუშაობთ შაბლონურად - თითოეულ საქმეს ვეკიდებით როგორც სტრატეგიულ გამოწვევას, და არა როგორც ფორმალურ ვალდებულებას. ჩვენთვის დაცვის სტრატეგია არ არის უბრალოდ ტაქტიკა - ეს არის კლიენტთან ერთად გაწერილი გზა, რომელიც ეყრდნობა სიღრმისეულ სამართლებრივ ანალიზს, მოულოდნელობების წინასწარ განეიტრალებას და მიზნისკენ შედეგზე ორიენტირებულად სიარულს.

სისხლის სამართლის საქმე არა მხოლოდ სამართლებრივი, არამედ ტაქტიკურ-სტრატეგიული ბრძოლაა. პროცესის თითოეული ეტაპი - საგამოძიებო მოქმედება, მტკიცებულების მოპოვება, თუ სასამართლო სხდომა - წარმოადგენს საერთო პროცესში გათვლილი ნაბიჯების ერთობლიობას, სადაც ერთმა სწორად შერჩეულმა სტრატეგიულმა ქმედებამ შეიძლება შეცვალოს საქმის დინამიკა.

ჩვენ პასუხებს მხოლოდ კანონში არ ვეძებთ - ჩვენ ვხედავთ პროცესის მონაწილის ფსიქოლოგიას, ვგრძნობთ მოწინააღმდეგის ნაბიჯების ლოგიკას და ვაწყობთ ჩვენს ვერსიას ისე, რომ ბოლო სიტყვა ჩვენს კლიენტს ეკუთვნოდეს.

ჩვენთვის კარგად არის ცნობილი საქართველოს მასშტაბით - თბილისის, ზუგდიდის, ქუთაისის, თელავის, ბათუმისა და სხვადასხვა ქალაქების სასამართლო თუ საგამოძიებო პრაქტიკა. აღნიშნული გამოცდილება გვაძლევს შესაძლებლობას, ეფექტურად დავიცვათ კლიენტების ინტერესები სისხლის სამართლის საქმეებზე როგორც თბილისში, ისე საქართველოს ნებისმიერ რეგიონში (ბათუმში, ქუთაისში, თელავში, ზუგდიდში და სხვა).